Páxina nel facebook Premiu Meyor Cantar @P_Meyor_Cantar

Anabel Santiago, Bacotexo, Fernando Valle Roso, La Tarrancha y Vrienden, finalistes del IX Premiu al Meyor Cantar

La gala d’entrega del gallardón, onde van actuar los cinco grupos y músicos finalistes, va celebrase’l 30 de setiembre nel Auditoriu Municipal de La Pola Siero.

El director xeneral de Política Llingüística y Normalización, Fernando Padilla, presentó güei la final del IX Premiu al Meyor Cantar, gallardón convocáu pol Gobiernu del Principáu d’Asturies coles mires de consolidar, prestixar y arriquecer la creación musical asturiana, y que premia’l meyor cantar en llingua asturiana o en gallego-asturianu.

Fernando Padilla, que tuvo acompañáu pol alcalde de Siero, Ángel García, y por Marta Mori de Arriba, miembru del xuráu, destacó que’l Premiu yá se convirtió nun referente pa los creadores asturianos y anunció que la gala de la final d’anguaño va celebrase’l vienres 30 de setiembre a les 20:00 hores nel Auditoriu Municipal de la villa polesa.