@P_Meyor_Cantar
"Gala 2017: LUIS NÚÑEZ Y LOS FOLGAZANES, con La ñeve y la esmeralda"
"Gala 2017: BRAS RODRIGO, con Naquel malecón"
"Gala 2017: HOBOKEN BAND, con Sonrises nel cielu"
"Gala 2017: ODÓN DEL PAGANÉU, con Soi ya vengu de Tinéu / La inconformidá"
"Públicu de la Gala del Premiu al Meyor Cantar 2017"
"Gala 2017: Entrega del premiu a los ganadores LUIS NÚÑEZ Y LOS FOLGAZANES"
"Gala 2017: Actuación de la ganadora del añu 2016 ANABEL SANTIAGO"El “Premiu al Meyor Cantar” nació nel añu 2007 como reconocimientu del Gobiernu del Principáu d’Asturies a la creación musical en llingua asturiana o gallego-asturianu. El prestixu y sonadía d’esti gallardon medra con cada edición, de manera que ye yá un referente ente los creadores musicales asturianos. Nestos años pasaron per él dellos de los meyores grupos ya intérpretes de la escena del país, con munches y diferentes propuestes que muestren la vitalidá y dinamismu de la música fecha en llingua asturiana y gallego-asturianu.
La convocatoria del Premiu na so décima edición faise acordies con estes bases publicaes nel 2016.
“La ñeve y la esmeralda”, de Luis Núñez y los Folganzanes, foi’l cantar ganador de la décima edición del Premiu al Meyor Cantar. El fallu fízose públicu demientres una Gala que se celebró’l pasáu vienres 29 de setiembre del 2017 nel Teatru Palacio Valdés d’Avilés.
Luis Núñez ye ún de los nomes más veteranos na escena musical asturiana, con una actividá qu’arranca nos años ochenta del sieglu venti cola fundación del conxuntu Fuera de Serie. D’entós p’acá, Núñez nun aparó de componer y tocar, cuándo en solitario, cuándo acompañáu de músicos de primer nivel, como los que s’axuntaron nel añu 2013 pa grabar El cantar del folganzan, el primer discu del grupu Luis Núñez y los Folganzanes.
Nel añu 2016 grábase’l segundu discu de la formación, col títulu Xuro nun tornar. Caracterizáu por una sonoridá folk-rock mui marcada, esti trabayu axunta diez canciones que combinen madurez y frescura, tal como asocede en "La ñeve y la esmeralda", cola que ganó’l X Premiu al Meyor Cantar.
El vienres 29 de setiembre del 2017, los cuatro intérpretes o grupos finalistes van actuar en directo na Gala d’entrega del X Premiu al Meyor Cantar, nel Teatru Palacio Valdés d'Avilés.
Depués d’escuchar los cantares, un xuráu independiente, formáu por un máximu de nueve y un mínimu de cinco persones rellacionaes con ámbitu de la música asturiana va escoyer el meyor cantar del añu 2016.
La entrada na Gala ye llibre y gratuita.
El gallardón consiste nuna escultura orixinal y esclusiva d’una artista asturiana de prestixu reconocíu. El grupu o intérprete ganador va recibir esti gallardón na ceremonia d’entrega.
Amás, el Gobiernu del Principáu d’Asturies va mirar pola promoción y difusión de la canción nos medios de comunicación y nos eventos organizaos o promovíos por propiu Gobiernu.
